काठमाडौं । प्रतिनिधिसभा निर्वाचनअन्तर्गत काठमाडौं निर्वाचन क्षेत्र नं. १ मा राष्ट्रिय स्वतन्त्र पार्टी (रास्वपा)की उम्मेदवार रञ्जु दर्शना विजयी भएकी छन्। उनले कुल १५ हजार ४५५ मत प्राप्त गर्दै जीत हासिल गरेकी हुन्।
अन्तिम मतपरिणाम अनुसार दर्शना आफ्ना निकटतम प्रतिद्वन्द्वीलाई पछि पार्दै काठमाडौं–१ बाट प्रतिनिधिसभा सदस्यमा निर्वाचित भएकी हुन्।
युवामुखी राजनीतिक एजेन्डा र वैकल्पिक राजनीतिलाई अघि बढाउने प्रतिबद्धतासहित चुनावी मैदानमा उत्रिएकी दर्शना सुरुदेखि नै चर्चामा थिइन्।
निर्वाचन आयोगका अनुसार मतगणना सम्पन्न भएपछि उनको विजय औपचारिक रूपमा घोषणा गरिएको हो। यस जितसँगै काठमाडौं–१ मा रास्वपाले महत्वपूर्ण सफलता हात पारेको छ।
रञ्जु दर्शनाको विजयलाई समर्थकहरूले नयाँ राजनीतिक सोच र परिवर्तनको संकेतका रूपमा लिएका छन्। निर्वाचन परिणाम सार्वजनिक भएसँगै समर्थकहरूले खुसीयाली मनाउन थालेका छन्।
