कीर्तिपुर–२ मा बिहान १० बजेसम्म ७५८ मत खस्यो

काठमाडौं । कीर्तिपुर वडा नम्बर–२ को मतदान केन्द्रमा बिहान १० बजेसम्म जम्मा ७५८ मत खसेको छ।

प्राप्त विवरण अनुसार हालसम्म पुरुषतर्फ ४३६ र महिलातर्फ ३२२ जनाले मतदान गरेका छन्। मतदान केन्द्रमा बिहानैदेखि मतदाताको उपस्थिति उत्साहजनक देखिएको छ भने मतदान प्रक्रिया शान्तिपूर्ण रूपमा सञ्चालन भइरहेको छ।

निर्वाचन अधिकारीका अनुसार मतदाताहरूको लाइन क्रमशः बढ्दै गएको छ र दिनभर मतदानको प्रतिशत अझ बढ्ने अपेक्षा गरिएको छ।